Kryefjala a akuzave të Lulzim Bashës nga Kuvendin Kombëtar i PD ishin disa politikanë të majtë, që sipas tij janë të lidhur me krimin dhe të zhytur në korrupsion.
Lulzim Basha për Saimir Tahirin
Saimir Tahiri është simboli dhe thelbi i këtyre 5 viteve, dëshmia tronditëse e dy standardeve të shtetit të Edi Rames. Tahiri është i lirë, edhe pse është Ministri i Brendshëm më i implikuar në krim në gjithë historinë e Europës. I provuar me dëshmi e me fakte nga antimafia italiane. Mijëra shqiptarë janë në burg ose para drejtësisë për shkelje që i kanë kryer nga halli, nga mbijetesa, për dritat, për ujin. Dhe nuk ka një njeri që nuk e sheh sot sesi drejtësia u përthye për Saimir Tahirin. Sesi Edi Rama e mbrojti me imunitet Sajmir Tahirin. Se ligji përkulet, zhbëhet për Ramën dhe njerëzit e tij, se i gjithë sistemi është në dorën e tij dhe të njerëzve të tij.
Lulzim Basha për Ilir Beqajn
Një njeri që është fiksuar në kujtesën e shqiptarëve si i pari mes hajdutëve qeveritarë, i cili kreu krimin më të madh në shëndetësi, duke ia kaluar paratë e shqiptarëve, taksat tona, donatores së partisë socialiste me koncesionin famëkeq të check up-it. Dhe qindra milionë euro të tjera me koncesionet e radhës.
Lulzim Basha për Arben Ahmetajn
Pengmarrësi tjetër i kësaj qeverie është Ahmetaj i cili me inceneratorët qindra milionë euroshe, po zhvat buxhetin dhe po helmon njerëzit e thjeshtë.
Lulzim Basha për Damian Gjiknurin
Pengmarrësit e kësaj qeverisje janë Gjiknuri që bashkë me aferat qindra milionëshe të energjisë dhe naftës është kapur në bashkëpunim flagrant me narkotrafikantët për vjedhjen e votave dhe tjetërsimin e rezultatit zgjedhor
Lulzim Basha për Erion Veliajn
Me skemën mafioze të Sharrës mori jetën e Ardit Gjoklajt, bleu prokurorinë dhe tani e ka shndërruar Tiranën në lavatricen gjigante të pastrimit të parave të pista.
Lulzim Basha për Vangjush Dakon
Dako i bandave të Durrësit, simboli i kryebashkiakut mafioz që po rrënon qytetin dhe qytetarët e Durrësit për të mbushur xhepat e tij, të banditëve me të cilët vjedh vota dhe natyrisht të Edi Ramës.
Lulzim Basha për Qazim Sejdinin
Me bandat e tij të heroinës terrorizon qytetarët dhe sulmon policinë. Pengmarrësit e socialistëve janë Balilajt dhe Habilajt, janë oligarkët dhe klientët e Edi Ramës, janë makutët dhe kriminelët që rrëmbejnë cdo ditë pasuritë e thelat e mëdha të buxhetit të shtetit./gsh/
