Lori Hoxha si triumfuese në kompeticionin e kërcimit DWTS u komentua gjatë në media, pasi kishte spekulime se e ka blerë fitoren. Ajo shkoi në finale me këngëtaren Flaka Krelani dhe anëtari i jurisë, balerini Ilir Shaqiri zgjodhi Lorin.
Në një intervistë për “Mos i fol shoferit” nga Rudina Dembacaj, balerina Isida Mollaymeri ka zbuluar arsyen përse Lori e meritonte fitoren duke thënë:
“Është dhe me preferencë. Unë, kur shoh një balet modern dhe një klasik, automatikisht zgjedh klasiken. Më pëlqen shumë finesa, femra të jetë femër dhe mashkulli të jetë mashkull. Po të isha unë juri, sigurisht si Iliri do zgjidhja Lorin. Lori kishte një finesë, disa duar të zgjatura, një harmoni kur kërcente, pra ishte më balerinë. Kurse Flaka kishte energji. Lori kërcente më pastër, ishte balerinë dhe kompeticioni është kush është më balerinë, jo kush është bisha.”
