Kryetari i Kuvendit të Kosovës, Kadri Veseli, iu është kundërpërgjigjur të gjithë deputetëve që kritikuan delegacionet kosovare, për mos hapje të temës së cështjes së të pagjeturve në bisedime me Serbinë, duke pohuar se kjo temë është hapur shumë shpesh në këto takime.
‘Çështja e të pagjeturve përveç dimensionit human e ka edhe dimensionin kryesor të dialogu në të cilin ne jemi, sepse nuk mund të ketë pajtueshmëri mes palëve deri sa kjo çështje të zgjidhet. Pajtueshmëria e dy popujve nuk mund të arrihet pa ditur për fatin e secilit se ku gjendet. Për korrektësi kjo çështje është biseduar shumë herë me Serbinë edhe pse nuk kam qenë asnjëherë pjesë e dialogut drejtpërdrejt, por ua rikonfimoj se kjo temë është hapur shpeshherë nga delegacioni i Kosovës dhe është ripërsëritur”, tha Veseli, raporton Zeri.
Po ashtu ai bëri të ditur që pala serbe po ashtu e ka hapur këtë çështje në dialog.
