Këshilltari i djathtë Fabian Topollaj, i ftuar në studion, tha se kryebashkiaku Erion Veliaj ka dashur të tjetërsojë pronën e Teatrit Kombëtar, në mënyrë që aty të ndërtojë kulla.
Por sipas tij Veliaj nuk ka mundur të realizojë këtë proces korruptim për shkak se ai është në minorancë sot në Këshillin bashkiak, pas kalimit të LSI-së në opozitë.
Sipas tij vendimi i Gjykatës së Tiranës për mos dhënien e 6 mandateve të mazhorancës ishte vendimi më i mirë.
‘Erjon Veliaj ka dashur që të tjetërsojë pronën tek Teatri Kombëtar me qëllim ndërtimin e Kullave. Lajmi i mirë është se Erjon Veliaj është në minorancë në Këshillin bashkiak. Unë kam paralajmëruar para se të merrej vendimi9 për anulimin e 6 mandateve. Sot e them me bindje të njëjtë, se Erjon Veliaj e ka të pamundur që të ndërtojë kulla në pronën e Teatrit Kombëtar. Nëse ai do të tjetërsojë pronësinë e Teatrit Kombëtar, nuk mund ta bëjë dot me këtë Këshill Bashkiak’, u shpreh Topollaj.
