Një ditë pas vizitës së kryeministri të Shqipërisë Edi Rama në Gjermani, ku mediat vendëse raportuan se i kanë kërkuar arrestimin e Tahirit, ka ardhur edhe lëvizja e parë.
Kështu burime për Boldnews.al kanë bërë të ditur se të hënën do të mblidhet komisioni Parlamentar për Saimir Tahirin, ku do të shqyrtohen disa informacione të rëndësishme.
Ndërkohë që nga ana tjetër mësohet se, DSIK ka gati certifikatat e sigurisë për deputetët e Komisionit Parlamentar ku po hetohet Tahiri, çka i hap rrugë hetimeve të mëtejshme. Komisioni do të shqyrtojë informacion nga Prokuroria dhe SHISH.
Ndërkaq, një ditë më parë opozita akuzoi Ramën se po pengonte hetimet. Mirëpo, sot bëhet e ditur se janë gati certifikatat e sigurisë që lejon deputet të njihen me informacione që deri sot quhen sekrete.
