Qeveria serbe ka vendosur sot se Ministri kroat i Mbrojtje, Damir Krstiçeviç nuk është i mirëpritur në Serbi deri në njoftimin e mëtejshëm.
Qeveria mori një vendim të tillë në përgjigje të vendimit të Kroacisë për ndalimin e hyrjes së Ministrit serb të Mbrojtjes Alexander Vulin në këtë vend.
“Qeveria e Serbisë beson se veprime të tilla nga Kroacia janë në kundërshtim me frymën e bashkëpunimit të mirë fqinjësor dhe respektit për vlerat themelore evropiane, që përfshin lirinë e lëvizjes së njerëzve,”-thuhet në deklaratën e qeverisë, raportojnë mediat serbe.
Qeveria e Serbisë thuhet sa mbetet e përkushtuar në ndërtimin e marrëdhënieve të mira fqinjësore me Republikën e Kroacisë, duke u përmbajtur nga veprimet që mund të kontribuojnë në shkeljen e marrëdhënieve me fqinjët e saj.
Gjithashtu shtohet se Serbia mbetet e përkushtuar në ruajtjen e paqes dhe stabilitetit në rajon si edhe në respektimin e parimeve dhe vlerave evropiane, në interes të të gjithë qytetarëve të Serbisë dhe të rajonit.
