Që në fillimet e saj si moderatore, Klea Huta, rrëmbeu menjëherë simpatinë e publikut për talentin, profesionalizmin dhe rrjedhshmërinë në të folur.
Klea ka moderuar disa nga emisionet më të veçanta në televizionin ‘Klan’ si “Gjeniu i vogël” apo “Maratona e Këngës Popullore”.
Por mesa duket edhe Klea është prekur nga lëvizjet e fundit në televizionet shqiptare. Emisioni radiofonik ‘Chaud Patate’ ka zbuluar se disa burime shumë të afërta të moderatores bukuroshe thonë se ajo do të fillojë një projekt të ri televiziv në ‘Top-Channel’.
Megjithatë ende nuk është bërë e ditur se për çfarë projekti bëhet fjalë konkretisht. Përveç moderimit, Klea Huta shumë shpejt pritet që të nxjerrë në treg këngën e saj më të re ‘Bla Bla Bla’.
