Platforma e dërgimit të mesazheve, WhatsApp nuk do të jetë e aksesueshme për personat nën moshën 16 vjeç, në vendet e Bashkimit Evropian.
Aktualisht përdoruesit duhet të jenë të paktën në moshën 13 vjeç, por drejtuesit janë duke ndryshuar rregullat pak para prezantimit të rregullores së re të BE-së për privatësinë.
Aplikacioni që udhëhiqet nga Facebook do të kërkojë nga përdoruesit për të konfirmuar moshën kur të dërgohen mesazhe të reja në javët në vijim.
Ende nuk është bërë e qartë se si do të verifikohet kufizimi i moshës.
Rregullorja e përgjithshme e BE për Mbrojtjen e të Dhënave (GDPR), e cila nis zbatimin më 25 maj, do t’iu ofrojë përdoruesve më shumë mundësi për të kuptuar se si kompanitë përdorin të dhënat e tyre.
Ata po ashtu do të kenë të drejtë të fshijnë të gjitha të dhënat e tyre personale. Aplikacioni planifikon që një kufizim të tillë të moshës të fillojë ta zbatojë në gjithë botën.
