Ditën e djeshme ish-moderatorja e njohur, Einxhel Shkira vendosi “të mblidhte” shoqet për një udhëtim për t’u pasur zili, në DisneyLand në Paris të Francës. Nuk diskutohet që vajzat janë duke kaluar një kohë fantastike plot me batuta në kryeqytetin e dashurisë dhe sidomos në DisneyLand, në qytetin e lodrave. Por nuk kanë munguar as batutat e postimet në Instagram. Einxhel ka qenë ajo që ka dashur të mos humbasë rastin që të bëjë shaka me një nga bashkudhëtaret e saj, aktoren Anais Lika.
“Më vjen keq Ana, por u bëre meme”, shkruan ajo mbi foton ku është shpërndarë në gjithë rrjetet sociale. Ana shfaqet me një kapele në kokë duke dalë nga një Ferrari i kuq, që kuptohet qartë si një fotomontazh. “Njihem si i pari, erdha me Ferrari”, shkruan në memen e Einxhelit. S’besojmë se Ana do ta lërë me kaq? Presim batutën e radhës!
