Janë zgjeruar kërkimet në nivel vendor dhe ndërkombëtar për të arrestuar autorët e vrasjes së 19 vjeçar në Marusi, Greqi, ndërsa autoritetet vendase kanë zbuluar edhe identifikuar autorin kryesor të vrasjes.
Dyshohet se autori i ngjarjes është 23 vjeçari shqiptar me inicialet I.Z., i cili shihet ne foton e mëposhtme, i cili plagosi për vdekje me thike te riun grek, pasi dyshohet se kishte marre rreth 150 euro nga 19 vjeçari ne këmbim të një sasi droge, por këtë te fundit nuk ia kishte dhënë.23-vjeçari shqiptar pas ngjarjes, sipas mediave greke. thuhet se është larguar drejt Shqipërisë, ndërsa me pare ka fshire te gjitha te dhënat e tij dhe fotot nga profili i Facebook-ut.
Nga hetimet e policisë greke rezultoi se autorët e vrasjes janë tre shtetas shqiptarë të moshës 23, 24 dhe 33 vjeç, ndaj të cilëve janë lëshuar urdhër-arreste, ndërsa është në zhvillim e sipër procesi i urdhrit ndërkombëtar.
Sipas informacioneve nga burimet e policisë, 19-vjeçari kishte blerë një sasi të vogël të kanabisit nga shqiptarët dhe kishte parapaguar rreth 150 euro. Takimi për shpërndarjen u bë në shesh në Athinë.
Autorët nuk e mbajtën marrëveshjen, çka solli edhe sherrin. Sidoqoftë, këtu duhet të theksohet se familja e viktimës nuk pranon se shkaku i sherrit ishte shitja e kanabisit, duke kundërshtuar kategorikisht informacionin përkatës.
Sipas avokatit të familjes, zotit Alexis Kugyas, i riu ka kaluar aty pranë kur sherri kishte filluar mes të rinjve të tjerë. . Në atë kohë, ai kishte ndërhyrë për t’i ndarë dhe më pas është qëlluar për vdekje.
Të tre te dyshuarit për vrasjen, janë me precedentë të mëparshëm ne Greqi, për plaçkitje, vjedhje, pranimin dhe shpërndarjen e armeve dhe veprave të tjera, siç raporton “Zoungla”.
