Ndër të gjitha partitë që garuan në zgjedhjet e marsit në Itali, Lëvizja 5 Yjet mori numrin më të madh të votave, ndërsa si koalicion, të parët dolën të djathtët me Lega Nord dhe Forzza Italian e Silvio Berlusconit.
Por gjasat janë që qeverisja e ardhshme e Italisë mund të jetë në një koalicion mes Partisë Demokratike dhe Lëvizjes 5 Yjet.
Pas më tepër se një muaji nga zgjedhjet në Itali, ku Partia Demokratike e ish-kryeministrit Mateo Renzit përsoi humbje të thellë përballë koalicionit të djathtë të udhëhequr nga Forzza Italia e Lega Nord, mësohet se është arritur marrëveshja e parë që mund të çojë në ndërtimin e një qeverie duke kthyer PD në qeverisje.
Pavarësisht se PD humbi, duket se ajo nuk do ta lëshojë pushtetin edhe aq lehtë, përballë radikalëve të Legës Nord, aq më tepër që një koalicion mes këtyre të fundit dhe radikalëve të majtë të 5 yjeve, është pak i natyrshëm.
Pas shumë negociatash, mësohet se spektri i majtë – Partia Demokratike dhe 5 Yjet kanë arritur një marrëveshje politike.
I emëruar nga Presidenti i Republikës si kryenegociator për arritjen e një marrëveshje qeverisëse mes Lëvizjes 5 Yje dhe Partisë Demokratike, kryetari i dhomës së deputetëve Roberto Fico, është takuar me përfaqësuesit e dy forcave politike.
Partia Demokratike përmes kryetarit të përkohshëm të saj Maurizio Martina ka deklaruar se kjo forcë politike është e gatshme për qeverisjen e re me kusht që ‘5 Yjet’ të shkëputet nga një marëveshje e mundshme me Partinë Lidhja e të konfirmojë pamundësinë e një aleance qeverisëse me qëndrën e djathtë italiane.
Ndërkohë në këto momente, kryenegociatori Roberto Fico ende po vijon bisedimet intensive për arritjen e marrëveshjes me përfaqësuesit e Lëvizjes 5 Yje.
