Mëngjesin e ditës së sotme është gjetur i vdekur aktori 23-vjeçar i serialit “O sa mirë”, Art Kurti. Ai u gjet me një plumb në kokë afër fshatit Goden, në një makinë që ishte e një shokut të tij dhe pranë tij është gjetur një pistoletë.
Kurti njihej si “gjakovari” në serialin e njohur në Kosovë dhe në Shqipëri. Po ashtu i riu ishte edhe kryetar i të rinjve në Aleancën për Ardhmërinë e Kosovës.
Patrullat policore kanë shkuar në vendin e ngjarjes dhe kanë parë se personi që ndodhej në automjet ishte pa shenja jete.
“Dyshimet e para çojnë tek vetëvrasje. Në makinë është gjetur vetëm një armë dhe viktima ka pasur një fishek të shkrepur në kokë”, -ka deklaruar Kristë Gjoka, komandat i policisë në Gjakovë. Të afërm me aktorin kanë rrëfyer se i riu gjatë kohëve të fundit pasur probleme personale dhe ka shfaqur shenja depresioni.
