Sonte në mbrëmje në orën 20:45 në “Anfield” do të luhet ndeshja e parë gjysmëfinale e “Champions League” mes Liverpool dhe Roma-s.
Gjatë gjithë kësaj kohe, që prej momentit kur janë njohur me kundërshtarin ndërmjet dy skuadrat ka patur respekt reciprok. Ata që kanë dalë jashtë kornizave kanë qenë dy ish-futbollistët e Romës, Bruno Conti dhe Roberto Pruco.
Ish-mesfushori i krahut dhe ish-sulmuesi kanë pozuar para stemës së ekipit të madh anglez, por për t’u hakmarrë për finalen e humbur në Champions, në vitin 1984, kanë zgjedhur variantin më të keq, duke treguar gishtin e mesit.
Një lajthitje totale në zemër të stadiumit të Liverpool-it është konsideruar ky veprim nga mediat italiane. Kujtojmë se dy ish-futbollistët kanë shoqëruar skuadrën për ndeshjen e sotme.
