Presidenti i Këshillit Evropian, Donald Tusk, në një konferencë për shtyp me kryeministrin Edi Rama, tha se proçesi i integrimit në BE do i ngjajë një rruge me pengesa se sa një autostrade.
Ai nënvizoi se edhe pse në përgjithësi është i kujdesshëm kur shprehet, është optimist për presepektivën afatshkurtër dhe atë afatgjatë.
“Do të jetë sfidë që të binden të gjitha shtetet anëtare të BE, jam i vetëdijshëm që ky proces do i ngjajë një gare me pengesa se sa një autostrade, por BE dhe Ballkani Perëndimor e kanë vendin së bashku, mund të mbështeteni tek unë edhe në këtë proces të ndërlikuar.
Edhe pse jam i kujdesshëm, sot mund të them se jam optimist kur bëhet fjalë për këtë perspektivë afatgjatë dhe në këtë perspektivë afatshkurtër përsëri optimist”.
Ai preferoi ta mbyllte fjalën e tij me një mesazh për tolerancën fetare në Shqipëri dhe u shpreh: Jeni më europianë ju këtu, se sa disa në BE.
