Kjo është videoja e regjistruar nga kamerat e sigurisë të shpërthimit me eksploziv natën e shkuar të një automjeti.
38 vjeçari Ervin Memo ishte në shënjestër të atentatit që i shkatërroi plotësisht automjetin, por që vetë mbeti i plagosur lehtë dhe pa rrezik për jetën.
Kamerat e sigurisë kanë kapur momentin shumë pranë shpërthimit.
Burime nga spitali i Fierit bëjnë me dije se 38 vjeçari është jashtë rrezikut për jetën. Ka pasur dëmtime në fytyrë, dëmtime në nofullën e djathtë ndërsa ka copëza xhami në pjesën më të madhe të trupit.
“Rreth orës 22:55, në vendin e quajtur “Kryqëzimi i Grecallisë” ka shpërthyer mjeti tip “Benz” me drejtues shtetasin E.M, 38 vjeç, banues në Fier. Gjatë kohës së shpërthimit mjeti ka qënë i parkuar dhe drejtuesi i tij sapo kishte hipur në mjet. Paraprakisht dyshohet se mjetit i është vendosur lëndë plasëse eksplozivë” informon policia e Fierit.
Drejtuesi i mjetit ndodhet në Spitalin Rajonal Fier nën kujdesin e mjekëve jashtë rrezikut për jetën.
