Është mbyllur pjesa e parë e takimit Flamurtari-Teuta.
Një ndeshje e nisur keq nga vendasit që e panë veten në disavantazh të një goli pas 7 minutash lojë.
Ishte mesfushori Anel Dedic që u tregua i saktë nga 11 metra larg, ndërsa reagimi i kuqezijve nuk vonoi, me Muharremi që shënoi dy herë dhe rrjeta e Useini “vulosën” rezultatin e fraksionit të parë në shifrat 3-1.
Pas largimit të trajnerit Duro, skuadra vlonjate do të drejtohet nga Ardi Behari, i cili ka vendosur të bëjë në sfidën e sotme plot 3 ndryshime në formacion, duke i dhënë skuadrës një frymë vlonjate me aktivizimin e Veliut dhe Hoxhës në formacion.
Nga ana tjetër Teuta që lufton për mbijetesë, do të japë maksimumin për një rezultat pozitiv, për të përfituar edhe nga humbja e Vllaznisë. Skuadra e Begesë vjen në këtë sfidë me disa mungesa.
