Deputeti i PD, Genc Pollo ka reaguar përmes një postimi në Facebook lidhur me vlerësimin e bërë nga Komisioni Europian për Shqipërinë.
Pollo shkruan se “nga raporti i viti 2015 deri tek ai i javës së fundit nuk ka asnje hap përpara, asnjë vleresim me nivel (notë) më të lartë në pesë prioritetet kyç. Në luftën kundër korrupsionit e krimit të organizuar jo e jo; por edhe në reformën e drejtësisë në vend numëro!”.
Postimi i Genc Pollos:
Ja një e vërtetë e thjeshtë, e qartë por e rëndësishme për progresin e reformave në Shqipëri; sipas Komisionit Europian dhe vetëm atij! Që nga raporti i viti 2015 deri tek ai i javës së fundit nuk ka asnje hap përpara, asnjë vleresim me nivel (notë) më të lartë në pesë prioritetet kyç. Në luftën kundër korrupsionit e krimit të organizuar jo e jo; por edhe në reformën e drejtësisë në vend numëro!
Megjithatë mirënjohje vërtet Komisionit Europian, Presidentit Juncker, Komisionerit Hahn e Përfaqësueses së Lartë Mogherini!
Motivet janë të qarta: nevoja për të afirmuar Ballkanin si pjesë e BE-së në të ardhmen; sinjal kundrejt fuqive të treta jomiqësore afër e larg, paqja e stabiliteti në rajon si nje ballancë mes sllavëve e shqiptarëve. Kaq, jo për të shpuar tullumbacen euforike (e të pacipë) rilindiste, po për t’u ndërgjegjsuar për rrugën e gjatë e të përpjetë që lyp mundim, djersë e lotë. Por rrugë tjetër nuk ka! GP
