Siç raportohet nga “Tuttosport” në numrin e sotëm, ekipi i Milan po përpiqet të parakalojë Interin, në garën për të siguruar shërbimet e Kwadwo Asamoah, lojtarit nga Ghana, i cili është në fund të kontratës me Juventusin, i aftë për të luajtur si mbrojtës apo edhe si mesfushor në krahun e majtë.
Për të përditshmen Torineze bëhet fjalë për një tratativë të vështirë, pasi Asamoah është në bisedime me Interin prej kohësh dhe aktualisht, ndodhet në avantazh ndaj Milan-it, për të siguruar lojtarin e Juventusit.
Ekipi kuqezi, megjithatë, shpreson të bindë lojtarin, sepse deri tani janë të pakënaqur nga performanca e treguar nga Ricardo Rodríguez, shumë i dobishëm në skemën 3-5-2, ose në anën e majtë të mesfushës në të njëjtën skemë, por ka treguar mangësi të dukshme në fazën mbrojtëse në skemën 4-3-3.
Asamoah, nga ana tjetër, është shumë i nevojshëm sepse mund t’i mbulojë të gjitha këto role dhe mund të ndihmojë në rritjen e performancës në ekipin kuqezi.
‘Tuttosport’ nënvizon se ekipi i Milan-it, në atë pozicion, atë të mbrojtësit të majtë, tashmë ka siguruar shërbimet e kroat-it Ivan Strinić nga ekipi i Sampdoria-s, gjithmonë me parametra zero.
Nëse transferojnë Asamoah, atëherë, kuqezinjtë mund të largojnë Rodríguez-in sërish në Bundesligë, ku ka akoma kërkesa, ose zviceriani mund të luajë në krah të ganezit dhe, në këtë mënyrë, Strinić mund të largohet direkt, pa ardhur në Milanello.
Interi, megjithatë, përsa i përket Asamoah ndodhet në avantazh, duke përfituar nga fakti që ka marrëdhënie të shkëlqyer me Federico Pastorello-n, agjentin e lojtarit dhe për faktin që zikaltërit kanë lëvizur më herët. Ndërkohë, Asamoah, i lindur në vitin 1988, tashmë ka blerë shtëpi në Milano: mbetet për tu parë se për ekip do luajë sezonin e ardhshëm.
