Manchester United-Chelsea është finalja e FA Cup për sezonin 2017-2018.
“Blutë e Londrës” kaluan pastër 2-0 Southampton në një takim që foli totalisht në krahun e tyre. Një Chelsea i motivuar ai i Antonio Conte që duket se ka gjetur veten në këtë fund sezoni.
Pavarësisht dominimit absolut të “bluve” duhet të vinte minuta e 46-të e pjesës së dytë që të zhbllokoheshin shifrat. Ishte Oliver Giroud pasi “vallëzoi” me topin në zëmrën e mbrojtjes së Southampton e dërgoi topin në rrjetë.
Dyfishimi i shifrave erdhi vetëm 8 minuta nga fundi me Alvaro Morata që pasi zëvendësoi Giroud, i mori dhe fatin duke shënuar me kokë pas një krosimi të Azpilicueta.
