Gulf, e cila nisi aktivitetin e saj në tetor të vitit 2013. Në 24 qershor të vitit 2014 organizoi ceremoninë e inaugurimit të saj ku të ftuar ishin biznesmenë, politikanë dhe drejtues të shtetit shqiptar.
Midis tyre ishin edhe kryetari i Kuvendit të asaj kohe, sot president i Republikës, Ilir Meta, i cili e cilësoi kompaninë Gulf dhe hapjen e pikave të saj në gjithë vendin si një gjallërimin për ekonominë shqiptare.
Ilir Meta: Përurimi i këtij investimi sot është një lajm shumë i mirë për të gjithë ekonominë shqiptare dhe është një tregues i një ringritje dhe gjallërimi të gjithë ekomonisë sonë. Prandaj ne sot i urojmë Gulf-it suksese në Shqipëri dhe shumë suksese përmes Shqipërisë në Ballkan.
Gjithashtu në këtë përurim ishte edhe ministri i Infrastrukturës dhe Energjisë Damian Gjiknuri i cili e quajti Gulf-in një kompani serioze dhe se qeveria e kryeministrit Rama ishte e hapur për bashkëpunuar me të.
Sipas Gjiknurit, kjo ishte kompani që po impononte në treg konkurrencë të ndershme dhe cilësi në naftën që tregtonte.
Damian Gjiknuri: Siguroj që ministria që unë drejtoj dhe qeveria shqiptare është e hapur për çdo lloj bashkëpunimi me kompani të tilla serioze dhe do të mundohet të imponojë çdo lloj rregulli që do të garantojë një tregti të ndershme, një konkurrencë të ndershme dhe cilësi dhe standarde të larta për të gjithë.
Në të vërtetë, Gulf rezultoi një skemë piramidale. Skema nis me që me ngritjen e saj përmes kompanive mbikëqyrëse që e furnizonin me naftë, të cilat nuk ishin veçse disa kompani fantazmë me pronarë që nuk identifikohen dot për shkak të statusit të tyre offshore.
Kompania e cila u inaugurua me një pompozitet të madh grabiti shqiptarët përmes shitjes së tollonave dhe naftës së saj aspak cilësore, duke iu dëmtuar edhe automjetet me produktin e saj, që vinte nga nafta e përpunuar në vend.
