Lideri koreanoverior Kim Jong-un thotë se ka pezulluar të gjitha testet e raketave bërthamore dhe do të heqë fare rrjetin bërthamor, shkruan BBC.
“Nga 21 prilli, Korea e Veriut do të ndalojë testet bërthamore dhe lëshimin e raketave balistikie ndërkontinentale”, raportuan agjensitë e lajmeve në vend.
Kim thotë se testet e mëtejshme janë të panevojshme, pasi kapaciteti bërthamor i Penianit u “verifikua”.
Deklarata surprizuese erdhi në një kohë që Korea e Veriut po përgatitet për bisedimet historike me SHBA-të.
Kim do të takohet me homologun e tij Moon Jae-in javën e ardhshme për samitin e parë ndër-Korean, pas më shumë se një dekade dhe me presidentin amerikan Trump në Qershor.
Të dy vendet kanë shtyrë Penianin të braktisë nuklearizimin dhe reaguan pozitivisht në lidhje me zhvillimet e fundit.
“Kjo është diçka shumë e mirë për Korenë e Veriut dhe Botën mbarë. Progres i madh”, ka shkruar në llogarinë e tij në Twitter Donald Trump, pas deklaratës së Kim Jong-un.
