Moderatorja e emisionit më të ri “Doktor Plastik”, kushtuar tërësisht ndërhyrjeve estetike, Kiara Tito e ftuar në emisionin “Instyle” është pyetur nëse edhe ajo ka bërë ndonjë ndërhyrje estetike.
“Duke marrë parasysh emisionin që ti ke marrë përsipër, doktorët aty i ke nëse do të bësh një ndërhyrje…çfarë ke bërë ti?”, e pyeti prezantuesja Sara Kolami, Kiarën.
“Meqënëse ishte një pyetje serioze edhe unë po të përgjigjem shumë seriozisht. Po e them për herë të parë ekskluzivisht në emisionin tënd që unë jam bërë e gjitha dhe do dal në puntatën finale të Doktor Plastik”, tha duke qeshur Kiara. “Epo mos të bëjë njeriu një emision për kirurgjinë plastike se do thonë është bërë falas. Jam natyrale akoma, shpresoj të mos të filloj ‘pak këtu, pak aty’. Nuk kam ndërmend për momentin, ndoshta në një moshë më të madhe do bëj një lifting fytyre, duhet ajo, por është i vështirë si operacion dhe e frikshme”, shtoi Kiara.
