Policia e Tiranës zyrtarizoi sot arrestimin e Kastriot Gjuzit, të dyshuar si autor të vrasjes së Mario Majollarit më 10 prill 2018 rrugën “Aleksandër Moisiu” në Tiranë.
“Shërbimet e Departamentit të Policisë Kufitare të Kosovës, bënë të mundur kapjen e shtetasit të shpallur në kërkim nga Policia Shqiptare: – Kastriot Gjuzi, 40 vjeç, i lindur në Tiranë, i dënuar më parë për veprën penale “Shkelje të rregullave të qarkullimit rrugor”, i dyshuar si autor i ngjarjes së ndodhur më datë 10.04.2018, në rrugën “Aleksandër Moisiu”, ku u vra me armë zjarri shtetasi M.M.”
40 vjeçari me qëllim shmangien e hetimeve ndaj tij kishte kaluar në mënyrë të paligjshme kufirin jeshil në “Republikën e Kosovës”, ku dhe u kap nga Departamenti i Policisë Kufitare të Kosovës. Në përfundim të veprimeve të para hetimore të kryera nga Specialistët për Hetimin e Krimeve ndaj Jetës në DVP Tiranë në bashkepunim me Prokurorinë u bë ndalimi i Kastriot Gjuzit, informoi sot policia e Tiranës
Lajmi për arrestimin e Kastriot Gjuzit në Kosovë u mësua dje.
