Një aksident me një të plagosur është regjistruar sot në Shkodër. Ngjarja ka ndodhur në Urën e Dajçit.
Një furgon është përplasur me një motoçikletë, e për pasojë ka mbetur i plagosur drejtuesi i këtij të fundit.
Fill pas aksidentit i plagosuri, identiteti i të cilit nuk dihet, është transportuar me urgjencë në spitalin e Shkodrës.
Deri më tani nuk dihen rrethanat e ngjarjes në fjalë, ndërkohë që policia po heton lidhur me zbardhjen e shkaqeve.
“BalkanWeb” ka siguruar pamje nga vendi i ngjarjes, ku shihet se si motoçikleta është përtokë, ndërsa në anë të rrugës furgoni.
