Tronditet bota e muzikës, ndahet nga jeta Avicii

Ka ndërruar jetë në moshën 28-vjecare producenti dhe DJ i njohur Tim Bergling, i njohur me emrin e artit Avicii.
DJ dhe producenti muzikor është gjetur i vdekur këtë të premte, pa ditur asnjë detaj për shkaqet.
“Me hidhërim të thellë njoftojmë ndarjen nga jeta të Tim Bergling, i njohur edhe si Avicii”, njoftuan përfaqësuesit e tij në një deklaratë.
“Ai u gjet i vdekur në Muscat të Omanit, pasditen e kësaj të premteje. Familja është e shkatërruar nga ky lajm, ndaj kërkojmë me përulje respekt maksimal për nevojën e tyre për privatësi, në këtë moment tejet të vështirë. Të paktën për momentin nuk do të jepen më informacione apo deklarata”.