Kënga e fundit e reperit shqiptar Mozzik është fshirë nga kanali Youtube nga ish-menaxherët e tij, të cilët thonë se e ka muzikën e vjedhur.
“Madam” arriti 6 milionë klikime, por tani nuk ekziston më. Mozzik ka reaguar duke publikuar disa Instastory ku tregon të vërtetën duke thënë:
“Përshëndetje njerëz, është shumë e vërtetë që këtë këngë e kam incizuar dhe në studio tek ata njerëz që kam punuar me ta. Nuk i ka pëlqyer projekti dhe e kanë lënë dhe tani e kam incizuar në një studio tjetër, me një beat tjetër.
Por kjo nuk do të thotë që unë kam marrë idenë nga dikush tjetër. Kurrë! Teksti është i shkruajtur nga shpirti im, zemra ime dhe e dinë mirë ata që më njohin dhe kanë qenë aty kur kam shkruajtur këtë tekst. Një dashuri!”
Kështu ai do vijojë të punojë për të sjellë hite muzikore. Ndërkohë ZzapnChriss kanë publikuar një video ku duket se Mozzik po dëgjon muzikën e këngës ‘Ti Amo’ në studion e tyre.
