Këshilli Kombnëtar i PD-së ka rrëzuar me shumicë votash propozimin e ish-ministrit të mbrojtjes, Arben Imami, për të përfshirë në rendin e ditës raportin për zgjedhjet e 25 qershorit 2017. Sikundër raportohet në favor të propozimit kanë qenë dy anëtarët e Këshillit Kombëtar, Arqile Gorea dhe Valbona Mezini.
Burimet bëjnë me dije se gjithashtu Imami ka kërkuar që në Kuvendin Kombëtar të PD, krahas draftit të grupit të punës të futet edhe drafti i propozuar prej tij dhe Edit Harxhit.
Ndërkohë që Edvin kulluri ka propozuar që në diskutim të përfshihen të gjitha draftet e propozuara lidhur me ndryshimet në statut. Kulluri duke iu drejtuar Bashës ka deklaruar se nuk mund të votohet vetëm mbi atë çka propozohet nga ju.
Ndërkohë Sherefedin Shehu ka propozuar që ndryshimet në statut t’i shkojnë grupseksioneve.
