Ish-drejtori i FBI-së, James Comey, i ka nxjerrë disa biseda sekrete të Donald Trump dhe Vladimir Putin. Presidenti i SHBA-së, i rrëfeu aso kohe drejtorit të FBI James Comey, se presidenti rus Vladimir Putin, i kishte thënë se: “Kemi disa nga prostitutat më të bukura në botë”.
Kjo del nga kujtimet e Comey, dorëzuar nga Departamenti i Drejtësisë Kongresit, të bëra publike nga Associated Press, raporton tgcom.it
Në shënimet e tij, Comey konfirmon se presidenti Trump i referohej komenteve të bëra nga Putin gjatë një takimi në Shtëpinë e Bardhë në 2017-n.
Në atë takim, Trump i tha ish-shefit të FBI-së se “historia e prostitutave është një budallallëk”, duke iu referuar një dosjeje mbi një takim të presupozuar mes Trump dhe prostitutave në një hotel në Moskë.
Shtëpia e Bardhë nuk ka kthyer përgjigje për ndonjë koment lidhur me këto akuzua dhe pretendime. Dokumentet merren me ngjarjet që Comey ka detajuar në dëshminë e tij për Kongresin.
