Policia ka arrestuar autorin e dyshuar të grabitjes së banesës së 78-vjeçarit H.Sh., më 11 mars në fshatin Biranj të Korçës.
Llambi Vako ka vjedhur në banesë një sasi eurosh, lekësh dhe sendesh të tjera. 22-vjeçari, banues në Korçë, e ka kryer grabitjen në bashkëpunim me persona të tjerë, që nuk janë identifikuar ende nga policia.
Sipas raportimeve, hajdutët kanë hyrë në banesën e të moshuarit duke thyer derën kryesore. Materialet i kaluan Prokurorisë të Rrethit Gjyqësor Korçë për veprën penale “Vjedhja, e kryer në bashkëpunim” parashikuar nga neni 134/2 të Kodit Penal.
