Deputeti Tom Doshi ka komentuar vendimin e Departamentit të Jashtëm Amerikan, i cili i ka ndaluar hyrjen në SHBA atij dhe familjes së tij.
Jashtë Kuvendit, ai deklaroi për mediat: “I bie të kalojnë të gjithë non grata nëse do të bëhet vetting”.
Doshi kërkoi të kalojnë në vetting edhe politikanët dhe nëse kjo ndodh tha ai, gjysma e deputetëve nuk do jenë më në Kuvend.
Doshi: Unë kërkoj të prononcohet. Ju garantoj ju se nëse bëhet vetting në politikë nuk mbeten as gjysma në parlament. Vettingu të fillojë dhe të hetojë që tek shkollimi i fëmijëve që i kanë shkolluar të gjithë jashtë, ku janë të ardhurat e këtyre politikanëve? Te vilat, tek makinat, tek jeta e luksit që bëjnë. Dhe ta shohim sesi dalin.
Me 16 prill, Departamenti i Shtetit njoftoi se i ka ndaluar hyrjen në Shtetet e Bashkuara deputetit Tom Doshi dhe familjes së tij.
Pas ish kryeprokuorit Adriatik Llalla, Tom Doshi bëhet zyrtari i dytë nga Shqipëria të cilit i ndalohet hyrja në Shtetet e Bashkuara për shkak të përfshirjes në raste madhore korrupsioni.
