Kombëtarja e Italisë me datë 28 maj do të luajë një ndeshje miqësore kundër Arabisë Saudite. Një sfidë historike pasi dy skuadrat nuk janë ndeshur asnjëherë me njëra tjetër, por të veçantë do ta bëjë edhe fakti se në këtë përballje do të debutojë trajneri i ri i ‘axurrëve’.
Vetë drejtuesit e Federatës Italianë të futbollit kanë bërë të ditur se emri i trajnerit të ri do të zbulohet 20 majin e ardhshëm, pak orë para fundit të kampionatit dhe finales së “Champions League”.
Me shumë gjasa trajnimi i Italisë do t’i besohet Roberto Mancini-t, pasi nga reaportimete fundit mësohet se ish-trajneri i Interit po negocion për prishjen e kontratës me Zenitin.
Emrat e tjerë janë Carlo Ancelotti, Antonio Conte dhe Ranieri. Pas debutimit me Arabinë Saudite, trajneri i ri i Italisë do të drejtojë përfaqësuesen në ndeshjen që do të zhvillohet më 1 qershor në Nicë kundër Francës dhe 3 ditë më pas në “Allianz Stadium”, kundër Holandës.
