Interpol Tirana ekstradoi nga Hungaria drejt vendit tonë një kosovar në kërkim ndërkombëtar. Sipas njoftimit nga policia bëhet me dije se perosni që është esktraduar është shtetasi Valon Kyçyku, 37 vjeç.
Njoftimi i policisë
Nga Interpol Tirana u krye ekstradimi nga Hungaria drejt vendit tonë, i shtetasit kosovar në kërkim ndërkombëtar:
V.K, 37 vjeç, lindur në Kosovë.
Gjykata e Rrethit Gjyqësorë Tiranë e ka dënuar me 13 vite burg për veprat penale “Mashtrim i kryer në bashkëpunim” dhe “Pastrimi i produkteve të veprës penale ose veprimtarisë kriminale”, parashikuar nga nenet 143/2 dhe 287/ b të Kodit Penal.
Si rezultat i bashkëpunimit të Interpol Tirana me Interpol Budapest u bë i mundur arrestimi i tij në Hungari duke u finalizuar me ekstradimin e tij drejt vendit tonë.
