11 protestuesit e “rrugës së Kombit” vijojnë të jenë në paraburgim, e kjo ka bërë që sot qytetarët e Kukësit të protestojnë në mbështetje të tyre.
Nga sa mësohet, protesta e thirrur dhe organizuar nga këshilli bashkiak i Kukësit do të mbahet para Gjykatës së këtij qyteti në orën 11:00. Ndërkohë që nesër në Gjykatën e Apelit të Shkodrës do zhvillohet seanca për masën e sigurisë. E ndërsa avokatët e tyre, që apeluan vendimin e Gjykatës së Shkallës së Parë, kërkojnë lirimin e 11 protestuesve, Prokuroria kërkon arrest me burg.
“Të nderuar banorë të Kukësit, Hasit dhe Tropojës. Në mbështetje të vëllezërve tanë të arrestuar në mënyrë të paligjshme në protestën e 31 marsit 2018, Këshilli bashkiak Kukës ju njofton organizimin e tubimit mbarëpopullor në datë 19 prill 2018, në orën 11:00, te sheshi para Gjykatës Kukës.Ju ftojmë të merrni pjesë”.
