Hapja e negociatave me Bashkimin Europian ishte temë diskutimi pothuajse në çdo ekran. Por në emisionin “Studio e Hapur” ajo që ra më shumë në sy ishte debati midis deputetit të PS-së Ulsi Manja dhe moderatores Eni Vasili.
Manja u shpreh se nuk mund të bëhen lajme thjesht duke përmendur arrestimet. I menjëhershëm ishte reagimi i Vasilit.
“Të kam ftuar unë Ulsi, e vendos unë për çfarë do flasim. Tani do flasim për arrestimet, do ma sqarosh këtë gjë”,- ka thënë ajo.
Më pas Manja është përgjigjur se do e sqaroj kur të vij te ajo temë.
Moderatorja më pas ka thënë se tani po të pyes a na the do fillojnë arrestimet.
“Mua më thonë i papërgjegjshëm e ju më pyesni për arrestimet”,- ka vazhduar Ulsi Manja më pas.
Ndërsa Eni Vasili më pas e ka pyetur nëse e ka pasur me të kur përdori termin e papërgjegjëshme.
“Kujt i thua e papërgjegjshme se nuk e kuptoj, e ke me mua? Unë po të pyes për një deklaratë tënden, jo për Alibeajn”,- ka thënë ajo.
Në studio ishin të ftuar edhe deputeti i partisë Demokratike Enkelejd Alibeaj, depuetetja e PS-së Elisa Spiropali dhe ish-ministrja Gjosha.
