Pas vizitës së përfaqësueses së lartë të Bashkimit Evropian, Federika Mogerini, ka reaguar Ditmir Bushati pasi pati një takim me të.
Bushati e quan këtë vizitë një moment shumë të rëndësishëm dhe se mesazhet e kësaj vizite janë të qarta për këdo.
Reagim i plotë:
Vizita e Përfaqësueses së Lartë të Politikës së Jashtme të BE-së në Tiranë, Federica Mogherini, me rastin e publikimit të rekomandimit të Komisionit Europian për fillimin e bisedimeve për anëtarësim ne BE-në, shënon një moment të rëndësishëm për Shqipërinë dhe kapitullin e ri që po hapim. Mesazhet e kësaj vizite janë të qarta për këdo. Rekomandimi për fillimin e bisedimeve për anëtarësim në BE është plotësisht i merituar dhe vjen si pasojë e fruteve të korrura në fushëbetejën e vështirë të reformave shtet ndërtuese dhe shtet konsoliduese. Rekomandimi nuk është fundi i kësaj fushëbeteje. Por futja në një fazë të re edhe më impenjative që kërkon ritëm dhe cilësi edhe më të madhe për reformat që do të ndërmerren. #PunaVijon
