Presidenti i Ugandës ka lëshuar një paralajmërim publik për qytetarët e vendit të tij: “Mos bëni seks oral”.
Duke folur gjatë një konference shtypi javën e kaluar, Presidenti Yoweri Museveni foli për “praktikat e gabuara” që promovohen nga grupet jashtë vendit të ij.
“Goja është për të ngrënë, jo për seks”, tha ai, duke shtuar: “Ne e dimë adresën e seksit. Ne e dimë se ku është seksi”.
Një konservator evangjelist, Museveni ka goditur liritë seksuale në Ugandë kohët e fundit. Propozimi i tij për të ndaluar seksin oral, vjen pas nënshkrimit të aktit kundër homoseksualëve në vitin 2014, gjë që e ka bërë të paligjshëm të qenit homoseksual në Ugandë.
Sipas ligjit, shkelësit e përsëritur duhej të dënohen me 14 vjet burg, ndërsa qytetarëve u kërkohej të denonconin homoseksualët e njohur.
Museveni ka bërë një numër deklaratash të çuditshme në të kaluarën. Pas nënshkrimit të aktit në 2014, Museveni etiketoi homoseksualët si “mercenarë” dhe “prostituta” të cilët silleshin si homoseksualë për para. Ai gjithashtu tha se seksi oral gay mund të shkaktojë krimba.
