Një 75-vjeçar është përplasur për vdekje nga makina ditën e sot në qytetin e Pogradecit.
Në momentin e aksidentit i moshuari ka qenë duke kaluar rrugën, teksa makina tip “Volkswagen Polo” ka ardhur me shpejtësi duke e lënë të vdekur.
Drejtuesi i mjetit është larguar menjëherë nga vendi i ngjarjes, ndërkohë policia po punon për identifikimin dhe arrestimin e tij.
Njoftimi i policisë
Më datë 18.04.2018, rreth orës 16:40, jemi njoftuar se në unazën e qytetit të Pogradecit një mjet tip “Volkswagen Polo” ka aksidentuar me pasojë vdekje një shtetas rreth 75 vjeç, kalimtar në rrugë dhe më pas drejtuesi i mjetit është larguar nga vendi i ngjarjes.
Po punohet për sqarimin e rrethanave të aksidentit, identifikimin dhe kapjen e autorit.
