Ministria e Jashtme greke nëpërmjet një deklarate ka përshëndetur raport progresin, i cili rekomandon hapjen e negociatave për dhënien e statusit kandidat për anëtar i BE-së për Shqipërinë dhe Maqedoninë.
Athina zyrtare me një gjuhë direkte dhe jashtë kornizave diplomatike, ka pohuar se ka qenë ajo e para që ka dhënë aprovimin e saj për dhënien e statusit dhe hapjen e proceseve integruese për Ballkanin Perëndimor. Sipas Athinës, ka nisur që në Presidencën greke të BE-së në 2003 dhe në vazhdim ka vijuar, falë mbështetjes së fuqishme të saj.
“Të bëjë kujdes me implementimin e pesë kapitujve bazë, ku ndër më të të rëndësishmit vlerësohet çështja e minoriteteve dhe mbrojtjes së tyre, reforma në drejtësi, çështja e pronave të minoriteteve, lufta kundër krimit të organizuar dhe narkotikëve, si dhe lufta kundër korrupsionit”, thuhet ndër të tjera në deklaratë.
Athina i ka kujtuar Tiranës, se marrëveshjet duhen zbatuar, duke shtuar presionin ndaj Tiranës, për përfundimin e marrëveshjeve, ku padyshim, ajo e detit është prioriteti absolut i Athinës në çështjet mes dy vendeve.
Ndërsa sa i përket Maqedonisë, Athina shprehet e vendosur për gjetjen e një zgjidhje përfundimtare mes dy vendeve, ndërsa për Kosovën Athina thekson se mbetet e vendosur në inkurajimin e dialogut Prishtinë -Beograd.
