Sistemi informatik në Universitetin e Tiranës nuk funksionon prej muajit korrik te vitit te kaluar. Studentet pohojnë se jane te detyruar ti drejtohen sekretarive per regjistrimin ne provime apo per tu njohur me notat, çka krijon jo pak herë radhë të gjata.
Sistemi informatik në Universitetin e Tiranës ju ofronte studentëve një sërë shërbimesh online si: regjistrimi në provime, publikimet e notave, rishikimi i notave apo ndërmjetësonte komunikimin mes studenteve dhe pedagogeve. Por nga muaji korrik i vitit 2017 ky sistem ka dalë jashtë funksioni.
Mosfunksionimi i sistemit online ka shkaktuar pasoja për personelin akademik dhe studentet e Universitetit të Tiranës.
Studentet pohojnë se në mungesë të tij, ata i drejtohen si më parë sekretarisë së Universitetit për t’i marrë këto shërbime, çka krijon jo pak herë radhë të gjata. Por ka nga ata studentë të cilët as nuk janë të regjistruar në portalin e studentit, pasi janë në vitin e parë Bachelor, ndërkohë që ky sistem nuk funksionon prej verës së kaluar.
Në Fakultetin Ekonomik shihet qartë që sistemi informatik nuk punon, ndërkohë që në fakultetin e Histori – Filologjisë, edhe pse ende nuk jane lëvizur qe aty kompiuterat, njoftohet se ky kënd do të jetë së shpejti zyra e kontaktit dhe këshillimit të karrierës.
Shqetësimi per mosfunksionimin e sistemit informatik në Universitetin e Tiranës u ngrit edhe në një projekt – raport të përpiluar nga Ministria e Arsimit. Sipas këtij projekt raporti që disponon News 24, rektori dhe kancelari i Universitetit të Tiranës akuzojnë njeri – tjetrin për mosfunksionimin e këtij sistemi.
