Një tjetër grup kriminal për trafikimin e lëndëve narkotike është goditur nga Policia e Shtetit në bashkëpunim Guardia di Finanza të Romës.
Grupi i strukturuar kriminal, trafikonte dorgë në vendet e BE duke bërë dhe pastrim parash.
Në kuadrin e operacionit “Affari di famiglia” u arrestuan në Shqipëri dy persona E.H, 41 vjeç, E.SH, 38 vjeç që të dy banues në Fier, më herët autoritetet Italian kanë arrestuar 5 persona dy prej të cilëve janë shqiptarë.
Droga e llojit kokainë vinte nga Holanda dhe Belgjika, ndërsa më pas shpërndahej dhe në vendet e tjera të BE.
Mbi të arrestuarit rëndojnë akuzat “Trafikimit të narkotikëve” dhe “Pastrimit të parave”.
Njoftimi i policisë
Itali-Shqipëri/ Goditet një grup me veprimtari kriminale në fushën e trafikimit të narkotikëve në vendet e BE-së dhe pastrimit të parave.
Operacioni i koduar “AFFARI DI FAMIGLIA” u organizua dhe finalizua falë bashkëpunimit mes strukturave të hetimit të narkotikëve të dy policive, italiane dhe shqiptare, në veçanti me grupin operativ të Guardia di Finanza të Romës.
Në orët e para të mëngjesit të sotëm, Policia e Shtetit në bashkëpunim dhe koordinim me forcat policore italiane të shërbimit Antidrogë kanë ekzekutuar njëkohësisht në Itali dhe Shqipëri urdhër arrestet ndërkombëtare të lëshuara nga Prokuroria e Romës në kuadër të operacionit “Affari di famiglia”, për veprat penale të “Trafikimit të narkotikëve” dhe “Pastrimit të parave”.
Në Shqipëri u arrestuan 2 shtetas shqiptarë, të dyshuar si pjesë e grupit kriminal:
- E.H, 41 vjeç, banues në Fier;
- E.SH, 38 vjeç, banues në Fier.
Ndërkohë në Itali janë arrestuar 5 shtetas, 3 italianë dhe 2 shqiptarë.
Grupi kriminal ishte i përfshirë në shpërndarjen e lëndëve narkotike në zonën e Romës.
Droga e llojit kokainë vinte nga Holanda dhe Belgjika. Po vijon puna në bashkëpunim me shërbimin ndërkombëtar të dy organizatave policore dhe policive kriminale për shkatërrimin e grupit kriminal dhe sekuestrimin e aseteve.
