Një ngjarje e çuditshme ka ndodhur në ndeshjen ndërmjet Mainz dhe Freiburg.
Gjyqtari Guido Winkmann akordoi një penallti, pasi ishte mbyllur pjesa e parë dhe ekipet po drejtoheshin drejt dhomave të zhveshjes.
Daniel Brosinski i Mainz gjuajti drejt portës, por topi u prek me dorë nga Marc Oliver i Freiburg. Në këtë moment lojtarët e Mainz shpërthyen duke protestuar për penallti, por arbitri nuk ishte i këtij mendimi dhe ai sinjalizoi përfundimin e pjesës së parë.
Por teksa po i drejtohej tunelit, gjyqtari Bibiana Steinhaus raportoi dhe informoi kolegun e tij për veprimin e lojtarit të Freiburgut. Në këtë moment, Breisgauer ishte në tunel, ndërsa lojtarët e Mainz ende në fushë.
Disa momente më parë, Winkmann kishte shkuar në cepin e fushës për të parë vetë momentin e dyshimtë dhe vendosi të akordojë penallti pas studimit të fotografive.
Ky vendim shokoi lojtarët e Freiburg, por ishte i saktë, sepse përderisa gjyqtari është në fushë, ai gjithmonë mund të shikojë përsëri një moment të dyshimtë dhe të ndryshojë vendimin.
Rezultati:
Freiburg u detyrua të kthehej përsëri në fushë dhe Pablo De Blasis e shndërroi në gol penalltinë kundër portierit Alexander Schwolow. Pas këtij momenti u mbyll gjysma e parë.
“Kjo është një skenë që askush nuk dëshiron, nuk është e bukur. Nuk është reklamë për lojën, por nuk ishte e mundur të bënim asgjë tjetër. Ishte e vështirë të komunikosh me fishkëllimat e tifozëve dhe arbitri nuk e vuri re atë episod, megjithatë procesi ishte i saktë”, tha Lutz-Michael Fröhlich, drejtuesi i VAR në DFB, pas ndeshjes në “Eurosport”.
