Chelsea që mesa duket nuk do jetë në Champions League sezonin e ardhshëm, po fillon të mendojë që tani për lojtarët cilësorë që mund ta kthejnë edhe njëherë në majën e futbollit evropian.
Edhe pse e ardhmja e Conte-s në krye të stolit londinez është e pasigurtë, përflitet se klubi ka paraqitur një ofertë për mesfushorin e talentuar të Real Madridit, spanjollin Marcos Asensio.
Lojtari i kombëtares spanjolle thuhet se është i preferuari i pronarit të Chelsea-t, Roman Abramovich.
Sipas asaj që raporton portali spanjoll Diario Gol, Reali ka filluar të shqetësohet nga kjo situatë, pasi edhe lojtari nuk është i kënaqur nga trajtimi në Madrid.
Chelsea i ka bërë të ditur Asensio-s se janë gati ti dyfishojnë pagën në 4.5 milionë euro dhe janë të gatshëm të shpenzojnë 150 milionë euro për ta transferuar talentin në Londër.
Drejtuesit e Reali-t besojnë shumë te spanjolli dhe nuk e imagjinojnë dot faktin se ai mund të luajë me ndonjë ekip tjetër. Asensio nga ana tjetër i ka paraqitur drejtuesve të Realit dy kushte në mënyrë që të vazhdojë të luajë në Madrid.
Kushti i parë është që ti sigurohet se do ketë më shumë mundësi aktivizimi dhe të jetë lojtar kyç.
Mesfushori spanjoll gjithashtu kërkon rritje page, jo aq sa i ofron Chelsea por një pagë që i korrespondon aftësive të tij.
Fjala e fundit i mbetet Perez-it.
