Një 55-vjeçare ka ndërruar jetë ditën e sotme si pasojë e një aksidenti të ndodhur në rrugën Tiranë –Elbasan.
Aksidenti ndodhi në dalje të tunelit, ndërsa 60-vjeçari I.G. ka mbetur i plagosur dhe ndodhet në spital për të marrë ndihmën mjekësore. Në momentin e aksidentit ndodheshin vetëm çifti I.G dhe Xh.G, ku për këtë të fundit përplasja i kushtoi jetën. Dyshohet se drejtuesi i mjetit ka humbur kontrollin dhe më pas është përplasur me bordurën e rrugës.
Policia ka mbërritur në vendgjarje dhe po punon për zbardhjen e plotë të aksidentit
Njoftimi i policisë
Me datë 16.04.2018, rreth orës 08:20, në Sallën Operative ka ardhur një telefonatë se në rrugën Tiranë -Elbasan ka ndodhur një aksident.
Menjëher në vendngjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në dalje të tunelit në drejtim Elbasan – Tiranë 2 shtetas duke udhëtuar me mjetin me targë AA544KO me drejtues shtetasin I.G., rreth 60 vjeç dhe pasagjere bashkëshortja shtetësja Xh.G., rreth 55 vjeçe kanë humbur kontrollin dhe mjeti ka dalë nga rruga ku dhe është përmbysur, si pasojë kanë mbetur të dëmtuar të dy shtetasit, ku menjëhër janë derguar në spital.
Shtetësja Xh.G., si pasojë e dëmtimit ka ndërruar jetë në spital, ndërsa shtetesi I.G., ndodhet nën kujdesin e mjekëve.
Grupi hetimor po kryen veprimet për zbardhjen e plotë të aksidentit dhe veprimet e mëtejshme.
