Një histori e denjë për skenar filmi, e ku personazh kryesor është një i ri shqiptar 27-vjeç. Jo si ato që jemi mësuar të lexojmë e dëgjojmë ku flitet keq për shqiptarët, vjen nga Rodosi.
I riu shqiptar i ka shpëtuar disa tentativa të partnerit të tij grek, për ta hequr qafe (të dy kishin një parukeri). I dashur për të gjithë grekët, madje një çift i moshuar tentoi ta birësonte por për shkak të ligjeve një gjë e tillë nuk u arrit. Por ai nuk e la më kaq, duke i dhuruar të riut shqiptar një llogari bankare të majme.
Greku 33-vjeçar tentoi disa herë ta hiqte qafe shqiptarin, me synimin e vetëm për t’i grabitur pasurinë që shkon më shumë se 400 mijë euro.
Kështu në pranga të policisë ka rënë greku “truri” i planeve të eleminimit dhe dy shtetas shqiptarë.
Me ndihmën e dy shqiptarëve që gjithashtu u arrestuan, fillimisht ortaku 27-vjeçar ishte qëlluar me armë zjarri. Kjo ndodhi më 15 janar të këtij viti, ndërsa 27-vjeçari ishte në makinën e tij. Po për fat, nuk u lëndua.
Më pas tentuan t’i vinin në banesë një sasi droge dhe pjesë të një arme luftarake, me qëllim që ta penalizonin. Gafa e tre autorëve të shantazhit ishte se i bënë telefonata kërcënuese 27-vjeçarit, në kohën që policia kishte filluar hetimet dhe kështu i vuri ata nën pranga. Gjatë arrestimit, të tre ata, një grek dhe dy shqiptarë, nisën të tregoni detaje për aktet e tyre.
Nga kontrolli në banesat e të arrestuarve, policia sekuestroi në cilësinë e provës, një sasi kanabisi me peshë 504 gramë, 47,5 gramë kokainë, një pistoletë me fishekë, një makinë dhe një motoçikletë, 10 celularë, 2 tableta dhe një shumë parash prej 3000 eurosh.
