Ish Zonja e Parë e Shteteve te Bashkuara të Amerikës, Barbara Bush, ndodhet në gjendje jo të mirë shëndetësore, ndërkohë refuzon të marrë trajtim mjekësor në spital.
Bashkëshortja e Presidentit të 41 të SHBA-ve, George H.W.Bush, ka vendosur të qëndrojë në shtëpinë e saj në Hjuston, Teksas, edhe pse mjekët janë shprehur të shqetësuar për ecurinë e shëndetit të saj.
“Barbara ka qenë disa herë në spital, ku ka marrë trajtim mjekësor, por ka dalë sërish. Tashmë ajo refuzon të marrë trajtim mjekësor dhe po qëndron në shtëpi”, thuhet në reagimin e familjes së 92-vjeçares.
Ish Zonja e Parë Barbara Bush vuan nga zemra, si dhe ka probleme me frymëmarrjen.
Ajo është nëna e ish-presidentit George W.Bush dhe ish guvernatorit të Floridës Jeb Bush.
