Policia kufitare në Kukës ka bërë të mundur arrestimin e një shtetasi kosovar që po trafikonte armë nga Kosova në drejtim të Shqipëris.
I arrrestuari është identifikuar si 44-vjeçari Hamdi Mavriqi banues në Prishtinë. Policia kufitare gjatë kontrollit të ushtruar zbuloi se poshtë xhupit të tij ishin fshur tre pistoleta të tipit tip “Glock” dhe 25 fishekë.
Polica dyshon se 44-vjeçari mund të jetë pjesë e një grupi të strukturuar kriminal të trafikimit të armëve dhe po punon për zbardhjen e plotë të rrjetit.
Mbi Hamdi Mavriqi rëndon akuza “Trafikimi i armëve dhe i municionit”, .
Njoftimi i policisë
Policia Kufitare godet një rast të trafikimit të armëve të zjarrit.
Tenton të trafikojë armë zjarri nga Kosova për Shqipëri, arrestohet në flagrancë nga Policia Kufitare në Morinë 44 vjeçari kosovar.
Sekuestrohen 3 armë zjarri Pistoletë, tip “Glock” si dhe 25 fishekë luftarakë.
Shërbimet e Policisë Kufitare Morinë, në zbatim të planit të masave për parandalimin dhe goditjen e trafiqeve të paligjshme, si dhe vënie para përgjegjësisë ligjore të autorëve, arrestuan në flagrancë shtetasin kosovar;
-Hamdi Mavriqi, 44 vjeç, banues në Prishtinë, Kosovë.
Ky shtetas u paraqit në sportelin në hyrje të P.P.K.Morinë, i cili udhëtonte me mjetin e tij tip “Seat”, dhe u përzgjodh nga shërbimet e Policisë Kufitare, për kontroll më të detajuar në vijën e dytë.
Gjatë kontrollit fizik, poshtë xhupit ju gjetën dhe sekuestruan në cilësinë e provës materiale , 3 armë zjarri Pistoletë, tip “Glock”, 25 fishekë.
Armët e zjarrit, municioni luftarak si dhe automjeti u sekuestruan në cilësinë e provës materiale.
Vijon puna për identifikimin e autorëve të tjerë të implikuar.
Materialet në ngarkim të shtetasit Hamdi Mavriqi, i kaluan Prokurorisë së Rrethit Gjyqësor Kukës, për veprën penale “Trafikimi i armëve dhe i municionit”, parashikuar nga neni 278/a i Kodit Penal.
