Banorët e njësisë administrative Ishëm, kryesisht ata të fshatit Shetaj, protestuan sot kundra vendosjes së traut me pagesë që ka vendosur kisha franceskane në Kepin e Rodonit.
Kalimi me pagesë në rrugët që të çojnë në zonën turistike të Kepit të Rodonit nga ana e Kishës Françeskane e cila pretendon pronsinë e zonës, ka sjelle reagimin e banorë e të Ishmit.
Dhjetra banorë protestuan duke kundërshtuar tarifimin e rrugës nepermjet të cilës banorë shkojne në pune, në tokat e tyre apo në plazh.
Banorët thonë se krahas tarifës hyrëse prej 100 lekë të reja, kisha i detyron ata të paguajnë edhe 200 lekëshin e parkimit.
Banorët thanë se i janë drejtuar prokurorisë me një kërkesë por nuk është marr asnjë masë, ndërsa kanë dërguar peticione të vazhdueshme institucioneve per heqjen e traut dhe tarifave per banorët.
Krahas banorëve të zonës te penalizuar janë turistët apo edhe besimtarët të cilët shkojnë në Kishën Shen Ndout, që ndodhet tek Kepi i Rodonit, për të kryer ritet fetare apo peligrinazh.
