“Koleksionit” të opinioneve për 11-metërshin e fituar nga Real Madrid ndaj Juventusit i shtohet edhe mendimi i Maradonës.
Gjyqtari Oliver akordoi penallti për Realin, pas dyluftimit mes Benatia dhe Vazquez.
Në një video “live” në Instagram, nga pishina e tij, Maradona deklaroi: “Nuk ishte penallti, në asnjë mënyrë. Vazquez iu desh të hidhej në zonë, sepse Buffon ishte pranë tij dhe Benatia mund t’ia merrte topin. Vazquez u zhyt vetë. Do ta bëja edhe unë një gjë të tillë”.
Më pas Maradona saktëson: “Me 99% do të ishte gol për Realin. Vazquez do të shënonte. Por, protagonisti kryesor është ai, që nuk përfitoi nga topi i mrekullueshëm që i dha Ronaldo”
