Konfederata e Sindikatave të Shqipërisë e ka cilësuar një tragjedi të paralajmëruar vdekjen e minatorit në minierën e Cerujës në Mat.
Sipas Konfederatës, është për të ardhur keq që të zgjedhurit politik nuk solidarizohen me familjet e viktimave por me pronarët e minierave të vdekjes.
Konfederata e Sindikatave të Shqipërisë kërkon marrjen e masave urgjente për të parandaluar përsëritjen e tragjedive si ajo e sotmja, ku një 57 vjeçar ndërroi jetë pas një shpërthimi në minierën kromit në Cerujë.
Deklarata
Minierat e shqiptare vijojnë të shkaktojnë tragjedi, ku viktima e radhës është një 57 vjeçar, që ndërroi jetë pas një shpërthimi në minierën kromit në Cerujë të Matit.
Konfederata e Sindikatave të Shqipërisë i shpreh keqardhjen familjes së viktimës dhe dënon heshtjen e të zgjedhurve lokale e vendore të Qarkut të Dibrës përballë kësaj tragjedie, që rrezikon të përsëritet nëse nuk merren masat në kohën e duhur.
Këta të zgjedhur politik nuk solidarizohen me familjet e viktimave por me pronarët e minierave të vdekjes, shumë prej të cilëve duhet të jenë pas hekurave.
Kushtet e Sigurisë Teknike në shumë miniera të vendit lënë për të dëshiruar, teksa jeta e punonjësve të minierës është çdo ditë e rrezikuar
Kontrollet e Inspektoriatit të Punës janë një farsë, që shkojnë deri tek bakshishi në kafenë e fshatit ose të qytezës.
Sipas shifrave që Konfederata e Sindikave disponon në galeritë e nëntokës shqiptare për shkak të incidenteve në punë kanë humbur jetën rreth 480 minatorë dhe rreth 500 të tjerë kanë mbetur të gjymtuar, e kjo tablo vijon edhe në vitin 2018
Konfederata e Sindikatave të Shqipëri i bën apel Ministrisë së Industrisë dhe Energjitikës të vihet në lëvizje dhe të miratohet sa më shprejt projektdrafti i statusit të minatorit hartuar nga KSSH.
