CAS, gjykata e arbitrazhit sportiv në Lozanë, mori vendimin sot për çështjen e titullit 2015-2016 në kampionatin shqiptar.
Gjykata e arbitrazhit sportive ka pranuar kërkesën e Skënderbeut dhe ka vendosur që t’i kthejë titullin kampion 2015-2016.
Komisioni i Etikës në FSHF e mori këtë vendim si masë ndëshkimore për pezullimin me një sezon të Skënderbeut nga UEFA. Klubi korçar i bindur për pafajsinë e dërgoi çështjen në CAS.
Indirekt, por të interesuar po aq sa Skënderbeu është edhe klubi i Partizanit, i cili në rast se CAS do të linte në fuqi vendimin e FSHF-së me shumë mundësi do të bëhjt ajo zotëruese e këtij trofeu.
Në lojë nuk është vetëm 1 kampionat, por edhe disa shpërblime të majme. Skënderbeu i fituar merr 100 mln lek nga Federata Shqiptare, por nuk merr dot 200 mijë euro që jepen nga UEFA për fituesen e kampionateve në Europë. E kundërta për Partizanin, i cili në rast se do dilte i fituar do të bënte për vete plot 200 mijë euro dhe 100 mln lekë.
Për Skënderbeun në fakt paratë janë në planë të dytë, pasi nëse vendimi edhe çështje prestigji. Kjo mund të përdoret nga ata në CAS për çështjen e trukimeve, për të cilën UEFA mori masën drastike të pezullimit me 10 vite dhe 1 mln euro gjobë.
